Hdră anei mkŏ mjing truh kơ jih hruê 20/4, hŏng lu hdră bruă msĕ si: Hưn mthâo hdruôm hră hluê mta phŭn, hâo hưn dŭm hdruôm hră, klei čih; bi mjĕ mjuk phung čih hdruôm hră; bi trông čhai, hưn mthâo hdruôm hră, rang mdah pŏk rup siam, mta mnơ̆ng STEM, tui ksiêm kơ kdrăp mrâo hlăm bruă tui duah lehanăn dlăng hră 4.0; êdeh dlăng hră mbĕ hiu…

Knăm mơak anei mâo klei hgŭm mơ̆ng 20 anôk bruă, êpul êya, anôk bruă duh mkra hlăm lehanăn êngao čar, hŏng ênoh jao huôm dưm hră giăm 130 êklăk prăk kơ dŭm boh sang hră ti Ƀuôn prŏng Ƀuôn Ama Thuôt, kdriêk Ƀuôn Đon lehanăn Lăk. Ƀri gưl anei, ăt mkŏ mjing Klei bi lông Pô bi ala kơ dhar kreh dlăng hră čar Dak Lak thŭn 2025, kñăm lar bra dhar kreh dlăng hră, mjing klei mưng dlăng hră kơ phung hđeh hriăm hră ti alŭ wăl./.