Lač kơ klei găl bruă hiu čhưn ênguê dhar kreh kphê, Nguyễn Thiên Văn, K’iăng khua knơ̆ng bruă sang čư̆ êa čar Daklak mñă anei jing sa hdră êlan nao djŏ, đru mđĭ boh tŭ dưn bruă lŏ hma mơ̆ng bruă kphê hlăm čar.

Snăn, čar hlăk mđing đru mkŏ mjing dŭm klei bi hmô bruă pla mjing kphê kjăp, bi mguôp hŏng bruă hiu čhưn ênguê, hlăm klei lông ngă bruă pla kphê, kñăm čiăng bi kriê pioh, mđĭ bi lar dhar kreh, lehanăn ba wĭt boh tŭ dưn kơ pô pla mjing hlăm dŭm anôk pla kphê phŭn hlăm čar, mđĭ ai mâo klei bi hgŭm plah wah phung duh mkra hŏng phung pla mjing, kñăm čiăng mkŏ mjing sa hdră êlan mă bruă kjăp mâo mnơ̆ng kơ bruă hiu čhưn ênguê jăk./.