Tŭ yap anăp knăl kdrăn ƀăng k’ưp čư̆ pui UNESCO Dak Nông gưl tal 2
Thứ tư, 08:29, 03/07/2024
VOV Tây Nguyên
VOV Tây Nguyên
VOV4.Êđê- Hrue mdih 1/7, čar Daknông mâo tŭ mă leh klei hưn mthâo klă klơ̆ng mơ̆ng êpul kreh knhâo ksiêm duah kơ boh lăn, lehanăn bi hrŏ klei amâo mâo jăk kơ boh lăn, mơ̆ng êpul hgŭm mjuăt bi hriăm, klei kreh knhâo lehanăn dhar kreh mơ̆ng Êpul hgŭm lu ala čar jing (UNESCO) kơ krĭng ƀăng k’ưp čư̆ pui Dak Nông dưi djăp leh ênoh čuăn anăn knăl “Kdrăn ƀăng k’ưp čư̆ pui kơ tar rŏng lăn UNESCO Dak Nông” kơ wưng mđĭ kyar mrâo thŭn 2024-2027.
Klei lŏ tŭ yap anei jing kñăm čiăng mñă bruă anei srăng jao kơ čar Daknông ti anôk bi kƀĭn hŏng ala tač êngao kơ krĭng lăn ƀăng k’ưp čư̆ pui alŭ wăl Asi –Pacìfic mkŏ mjing hlăm mlan 9/2024 ti kdrăn čư̆ boh tâo lăn mnga êa mơak Cao Bằng, Việt Nam.
Tui si Tôn Thị Ngọc Hạnh, K’iăng khua knơ̆ng bruă sang čư̆ êa čar Daknông, klei tŭ yap anei kơ wưng thŭn 2024 - 2027 amâo mâo djŏ knŏng jing dŭm klei gĭr mơ̆ng bruă sang čư̆ êa lehanăn mnuih ƀuôn sang Daknông hlăm bruă kriê pioh krĭng wăl knhuah gru yuôm bhăn anei, ƀiădah lŏ mjing lu klei găl iêo jak klei duh bi liê mđĭ kyar krĭng wăl anei hŏng klei kjăp./.
Viết bình luận