VOV4.Êđê- Hluê si Anôk bruă kriê dlăng bruă rông leh anăn mdrao kơ mnơ̆ng rông čar Gia Lai, yap truh 3 mmông tlam hruê 7-9, kluôm čar mâo giăm 15 êbâo drei êmô dưi mdrao hlao klei ruă bi bŏk ti gŭ klĭt. Mơ̆ng wưng bluh mâo klei ruă, truh ară anei kluôm čar Gia Lai mâo êbeh 20 êbâo drei êmô mơ̆ng êbeh 12 êbâo gŏ êsei mnuih ƀuôn sang mâo klei ruă bi bŏk ti gŭ klĭt.

Hlăm anăn, mâo giăm 2 êbâo drei êmô djiê leh anăn ba čuh dơr kyua klei dưi bi kdơ̆ng hŏng kman hrŏ, amâodah mâo dŭm klei ruă mkăn msĕ si: ruă ksŏ, mâo kman hlăm êrah. Mâo leh 34 să ti 9 kdriêk, wăl krah, ƀuôn prŏng amâo lŏ mâo ôh mnơ̆ng rông mâo klei ruă, hlăm anăn mâo 3 să ADơk, Trang, Ia Băng (kdriêk Đak Đoa) bi mklă djăp klei dưi hưn jih klei ruă tưp. Hluê so Anôk kriê dlăng bruă rông mnơ̆ng leh anăn mdrao kơ mnơ̆ng rông čar Gia Lai, čiăng dưi mâo klei bi knăl jăk anei, bruă lŏ hma čar Gia Lai ngă lu hdră msir gang mkhư̆ klei ruă bi bŏk ti gŭ klĭt hlăm wưng êgao.

Pô mblang: H’Zawut Ƀuôn Yă