100 hnư mnơ̆ng "Đru kơ mnuih amâo mâo jăk asei nao sang hră mơar" hŏng phung hđeh amâo mâo jăk asei mlei ti čar Daklak
Thứ năm, 10:21, 01/08/2024
VOV Tây Nguyên
VOV Tây Nguyên
VOV4.Êđê- Aguah mbrue (31/7), keh kyua hđeh amâo mâo jăk asei mlei Việt Nam bi mguôp leh hŏng anôk bruă đru rông ba mnuih amâo mâo jăk asei mlei lehanăn hđeh êlăk čar Daklak, mkŏ mjing mđup brei mnơ̆ng "Mđĭ ai phung hđeh nao sang hră” hlăm čar Daklak.
Êpul mkŏ mjing mâo jao leh truh 100 hnư mnơ̆ng kơ hđeh amâo mâo jăk asei mlei ti dŭm kdriêk Buôn Đon, Krông Năng, Krông Búk, Cư M’gar lehanăn wăl krah Buôn Hồ. Grăp hnư hŏng ênoh 2 êklăk prăk tinăp, lehanăn ƀêñ, kĕo, êa ksâo...
Enoh jih jang truh 80 êklăk prăk. Ti lăn dap kngư, keh mâo mđup brei truh 400 hnư mnơ̆ng kơ hđeh amâo mâo jăk asei mlei hlăm dŭm čar Gia Lai, Kon Tum, Dak Nông lehanăn Daklak. Phạm Thị Chính, K’iăng khua êpul gơ̆ng bruă kiă kriê hđeh amâo mâo jăk asei mlei Việt Nam brei thâo, hdră anei jing leh sa hlăm 4 ênoh čuăn mơ̆ng keh đru ba hđeh amâo mâo jăk asei mlei mâo mđrăm mbĭt hŏng yang ƀuôn bi mă bruă, čiăng kơ phung hđeh amâo mâo jăk asei mlei kpưn đĭ hlăm klei hdĭp./.
Viết bình luận