Aê mdrao Việt Nam ksiêm dlăng leh anăn mbha êa drao kơ mnuih ƀuôn sang ti Lào
Thứ hai, 10:04, 11/12/2023
VOV Tây Nguyên
VOV Tây Nguyên
VOV4.Êđê- Mơ̆ng hruê 5-10/12, ti čar Khammouan, kwar Krah Lào, Êpul hgŭm Việt Nam-Lào ƀuôn prŏng Hồ Chí Minh bi hgŭm hŏng Sang hră gưl prŏng mdrao mgŭn Phạm Ngọc Thạch leh anăn Knơ̆ng bruă kơ mnuih Việt Nam ti ala tač êngao ti ƀuôn prŏng Hồ Chí Minh mkŏ mjing bruă ksiêm dlăng, pŏk ngă leh anăn mđup brei mnơ̆ng kơ mnuih Việt Nam hdĭp mda ti ala tač êngao leh anăn mnuih ƀuôn sang mâo klei dleh dlan tinei.
Hlue si Anôk bruă mkŏ mjing, anei jing dŭm bruă yuôm bhăn đru kơ mnuih knap mñai, bi êdah klei khăp, klei mđing mơ̆ng khua gĭt gai leh anăn mnuih ƀuôn sang ƀuôn prŏng Hồ Chí Minh hŏng mnuih Việt Nam leh anăn mnuih Lào mâo klei dhĭp dleh dlan dôk hdĭp ti čar Khammouan, mơ̆ng đru mđĭ klei bi hgŭm, klei bi mguôp yuôm bhăn leh anăn kluôm plah wah dua Đảng, dua knŭk kna leh anăn yang ƀuôn dua ala čar Việt Nam-Lào hlăm hdră mđĭ kyar leh anăn ñŭ kma bruă duh mkra.
Ăt hlăm jar hdră, Knơ̆ng bruă kơ mnuih Việt Nam ti ala tač ƀuôn prŏng Hồ Chí Minh ăt mđup brei hip hdruôm hră klei Yuăn mâo ênoh 5 êklăk prăk kơ Sang hră gưl sa Thống Nhất ti să
Thakhek.
Viết bình luận