Aguah 12/3, Êpul hgŭm đru gŏ sang phung êngiă asei Việt Nam mkŏ mjing klei bi tuôm hŏng phung ngă bruă klei mrâo Yan Mnga Giáp Thìn 2024. Trung tướng Hoàng Khánh Hưng, Khua Êpul hgŭm đru kơ gŏ sang phung êngiă asei Việt Nam brei thâo: Êpul mâo leh klei hrăm mbĭt hlăm bruă hdơr knga kơ phung êngiă asei mơ̆ng Knơ̆ng bruă êdeh treng Việt Nam kơ bruă amâo mă prăk mdiăng klang kleh phung êngiă asei leh anăn phung găp djuê nao mbĭt mơ̆ng Dhŭng truh ti Dưr. Anei jing bruă yuôm bhăn, bi êdah ai tiê “Mnăm êa hdơr kơ hnoh” mơ̆ng djuê ana Việt Nam.

Hlăm thŭn 2024, Êpul hgŭm đru kơ gŏ sang phung êngiă asei Việt Nam lŏ dơ̆ng ngă jăk bruă hdơr knga kơ phung jhŏng ktang êngiă asei msĕ si: Bi mklă anăn klang phung êngiă asei ka thâo klei hâo hưn, tui duah, klei klang phung êngiă asei, mđup brei sang dôk, hră mkiêt mkriêm, mđup brei hnư prăk hriăm hră kơ anak čô phung êngiă asei… Boh nik, hlăm thŭn anei, Êpul bi hgŭm hŏng Knơ̆ng bruă êlan êdeh trengViệt Nam mkŏ mjing mdiăng klang kleh phung êngiă asei hŏng găp djuê amâo mă prăk hlăm bruă ba klang kleh phung êngiă asei wĭt kơ ƀuôn sang hŏng êlan êdeh treng./.