Dŭm thŭn êgao, čar Gia Lai kñăm kơ bruă duh bi liê kdrăp mkăp brei êa jua krĭng ƀuôn sang čiăng bi hơĭt klei hdĭp mnuih ƀuôn sang, boh nik ti dŭm krĭng mnuih djuê ƀiă. Truh kơ ară anei čar Gia Lai mâo hlăm brô 160 anôk mă êa doh ti dŭm alŭ ƀuôn ngă bruă tŭ dưn.

Bruă anei đru mđĭ hnơ̆ng klei hdĭp mnuih ƀuôn sang, boh nik jing mnuih djuê ƀiă ti dŭm krĭng taih kbưi. Čiăng kơ dŭm hdră anei dưi bi lar boh tŭ dưn hŏng klei kjăp, hluê si Nguyễn Văn Danh, knuă druh klam bruă êa yua doh hlăm Êpul kiă kriê dŭm hdră duh bi liê mkŏ mkra čar Gia Lai brei thâo:  Anôk bruă srăng bi mguôp kjăp hŏng bruă sang čư êa alŭ wăl leh anăn dŭm anôk bruă bi êran, jêñ jêñ ngă bruă hâo hưn, mtrŭt mjhar mnuih ƀuôn sang răng mgang akŏ êa, ksiêm dlăng, mkra wĭt bi jăk kdrăp yua leh anăn êlan đĭng êa čiăng dêč kơ klei luč êa mang čiăng ba wĭt boh tŭ dưn jăk hĭn.