Anei jing hdră mđing truh Mlan ngă bruă kyua phung hđeh, mđing truh kơ Hruê gŏ sang Việt Nam 28/6. Ti knăm anei, phung hđeh dưi nao hgŭm hlăm lu hdră msĕ si: Mjuăt bi hriăm klei thâo hdĭp, klei thâo mă bruă hlăm êpul, gang mkhư̆ klei êka êkeh, dŏng mdrao mjêč tal êlâo, klei thâo ư̆ ăn ai tiê – Hgao pô…

Bi hgŭm čiăng kơ phung hđeh dưi hưn mdah klei pô čiăng, bi êdah klei khăp hŏng “Amĭ đru rông ba” – jing anôk jưh knang kơ ai tiê klei mĭn đru kơ phung hđeh hgao klei dleh dlan, gĭr ktưn kpưn đĭ. Anôk mkŏ mjing jao leh 120 hnư mnơ̆ng kơ phung hđeh êrĭt êrin, đru rŭ mdơ̆ng 2 boh sang Hơuh mđao klei khăp, 20 hnư prăk đru hriăm hră hŏng ênoh êbeh 250 êklăk prăk./.