Mâo klei dưi mơ̆ng khua knŭk kna ba mdah hră mơar, Khua phŭn bruă ngăn prăk brei thâo, knŭk kna dôk bi êdah hdră êlan kñăm mkŏ mjing sa hdră êlan êngao klei dưi mơ̆ng knŭk kna pioh ruh mgaih jih klei dleh dlan gun kpăk, lŏ dơ̆ng mjing djăp klei găl čiang kơ jih jang dŭm alŭ wăl pral ngă bruă, bi liê djŏ ngăn prăk kơ hdră lăn čar kñăm ti wưng kơ anăp, kyuadah ară anei boh tŭ mơ̆ng bruă anei jing điêt êdi, klei bi liê ngăn prăk bŏ hŏng klei êmưt.

Knŭk kna lač, jih jang hdră anei tơdah mâo bi mklă, srăng pral ruh mgaih jih klei dleh dlan gun kpăk, lehanăn mjing djăp klei găl kơ dŭm alŭ wăl pral ngă bruă, bi liê djŏ hŏng hdră kčah kơ klei bi liê ngăn prăk kơ bruă knuă./.