Msĕ si klei hưn leh, Klei kƀĭn mjêč tal 5 (bruă Kƀĭn ala gưl 15) mphŭn pŏk leh ti aguah mbruê 15/1. Sa hlăm 4 mta phŭn yuôm bhăn dưi bi trông hlăm klei kƀĭn tal anei jing Hdră mtrŭn kơ đa đa hdră êlan, hdră mdê hĭn čiăng ruh mgaih klei dleh dlan, kpăk gun, mtrŭt bi hmar dŭm hdră ala čar kñăm.

Hluê ngă hdră mtrŭn kơ bruă ktuê dlăng klei čih hlăm klei kƀĭn tal 6, knŭk kna hưn mdah hŏng Bruă kƀĭn ala ksiêm dlăng, bi klă dưn yua đa đa hdră êlan mdê hĭn čiăng ruh mgaih klei dleh dlan, kpăk gun, mtrŭt bi hmar bruă hluê ngă 3 hdră ala čar kñăm, kñăm kơ dŭm mta phŭn msĕ si: bruă mkăp brei, jao klei tĭng mkă ngăn prăk gưl dlông grăp thŭn, bruă mkra mlih klei đăo tĭng ngăn prăk knŭk kna, hdră êlan duh bi liê grăp thŭn, bruă yua ngăn prăk knŭk kna hlăm bruă jao kơ pô ngă hdră êlan mđĭ kyar bruă mkra mjing čŏng pô blei kdrăp yua đru kơ bruă mkra mjing, bruă bi klă hdră lông ngă mbha gưl kơ gưl kdriêk bi klă hră anăn, mkăp brei ngăn prăk knŭk kna hlăm bruă hluê ngă dŭm hdră…