Ƀuôn prŏng Buôn Ama Thuôt, čar Dak Lak bi liê 3,5 êklai pioh đru kơ mnuih knhâo hriê mă bruă
Thứ tư, 14:34, 06/03/2024
VOV Tây Nguyên
VOV Tây Nguyên
VOV4.Êđê - Ƀuôn prŏng Buôn Ma Thuột (Đắk Lắk) bi liê leh 3,5 êklai prăk pioh iêo jak phung knhăk hriê mă bruă, jing phung thâo lu, phung kreh knhâo hlăm dŭm bruă msĕ si: bruă kdrăp mrâo mrang, bruă lŏ hma ênuk mrâo, bruă hiu čhưn ênguê, klei čuăl mkă ƀuôn prŏng, rŭ mdơ̆ng cuăl mkă hdră êlan kơ bruă yang ƀuôn.
Boh nik, jih jang phung thâo lu mâo klei ksiêm hriăm knhăk dưi đru gưl tal êlâo truh 500 êklăk prăk/čô, lehanăn mâo prăk mlan jing 50 êklăk prăk/čô/mlan. Hŏng klei kuôl kă bruă knuă, ênoh phăn jao, lehanăn klei bi tĭng tla djŏ hŏng klei kuôl kă dua nah.
Hlăm grăp mta bruă, mơ̆ng klei ksiêm duah bruă kreh knhâo, hdră êlan mă bruă, klei mĭn mrâo hŏng bruă knuă, kdrăp mă bruă mrâo êpul êya mâo klei dưi bi mklă, tŭ yap snăn dưi đru truh 1% ênoh tĭng tla jih jang kơ bruă anăn. Ênoh đru mđĭ ai kơ jih bruă ngă jing amâo mâo kgŭ hĭn ôh hŏng prăk mlan êbeh 50 êklăk prăk/čô/sa mta bruă. Klei ngă bruă anei kčưm mơ̆ng gưl 3 mlan tal II thŭn 2024 truh jih thŭn 2027.
Viết bình luận