Čar Dak Lak đru dŭm pluh êklai prăk đru mnuih ƀuôn sang krĭng angĭn êbŭ, êa lip
Thứ năm, 13:06, 19/09/2024
VOV Tây Nguyên
VOV Tây Nguyên
VOV4.Êđê - Dŭm hruê êgao, čar Dak Lak đru mguôp leh dŭm pluh êklai prăk lehanăn lu mnơ̆ng yua čiăng hgŭm kngan đru kơ mnuih ƀuôn sang krĭng angĭn êbŭ êa lip ngă ti dŭm čar nah Dưr hgao klei dleh dlan.
Hluê si Nông Thị Thu, Kơiăng khua Anôk bruă mặt trận Việt Nam čar Dak Lak, dŭm hruê êgao, hŏng ai tiê thâo bi đru, hla hmum luôm hla tĭ, lar leh hlăm êpul êya mnuih ƀuôn sang dôk hlăm čar. Mơ̆ng phung hđeh čăm ŭn lăn, truh kơ phung mduôn khua mă prăk mkiêt mkriêm đru kơ mnuih ƀuôn sang ti krĭng êa lip.
Tĭng truh ară anei, Anôk bruă mặt trận čar Dak Lak tŭ mă leh êbeh 16,3 êklai prăk. Mbĭt anăn, mâo leh 50 boh êdeh mơ̆ng Dak Lak nao ba mnơ̆ng đru dŏng truh kơ dŭm čar nah Dưr hŏng ênoh êbeh 9 êklai prăk./.
Viết bình luận