Čư̆ Kuiñ, Dak Lak: 3,75 êklai prăk mđup brei hnư mnơ̆ng phung knŭk kna dlăng ba, gŏ sang dleh dlan
Thứ bảy, 09:04, 03/02/2024
VOV Tây Nguyên
VOV Tây Nguyên
VOV4.Êđê- Klei hưn mơ̆ng bruă sang čư êa kdriêk Čư̆ Kuiñ, čar Dak Lak, wưng Tết Nguyên đán Giáp Thìn 2024 anei, giăm 9.000 čô knŭk kna dlăng ba, gŏ sang dleh dlan ti kdriêk dưi tŭ mă hnư mnơ̆ng tết, hŏng ênoh jih jang 3,75 êklai prăk.
Klă klơ̆ng, mâo 3.596 gưl čô jing phung mâo bruă tŭ dưn, phung khua thŭn dôk mâo hdră đru yang ƀuôn, phung amâo mâo jăk asei mlei, hđeh êrĭt êrin, phung bum ală, mâo hnư mnơ̆ng tết thŭn 2024, grăp hnư mâo ênoh 500 êbâo prăk. Êngao kơnăn, ti kdriêk ăt mâo 5.366 čô jing gŏ sang ƀun, giăm ƀun mâo hnư mnơ̆ng wưng yan mnga Giáp Thìn 2024, grăp hnư mnơ̆ng kơ gŏ sang ƀun jing 1 êklăk prăk.
Võ Tấn Huy, khua bruă sang čư êa kdriêk Čư̆ Kuiñ hưn, grăp wưng tết truh, yan mnga hriê, bruă sang čư êa kdriêk mâo nanao klei mđing tal êlao kriê dlăng klei hdĭp phung knŭk kna dlăng ba, ala ƀuôn đru, dŭm gŏ sang ƀun, giăm ƀun.
Viết bình luận