Mlan ngă bruă jăk thŭn anei mkŏ mjing mơ̆ng hruê 1 – 31/5, kdlưn hĭn mơ̆ng hruê 8 -19/5 leh anăn dưi mkŏ mjing hlăm kluôm čar, gĭr đru kơ ƀiă êdi 1.000 anôk ngă bruă jăk.

Ayŭn H’Hương, khua êpul gru bi kal hrah čar Dak Lak brei thâo, hŏng akŏ “Hdră ngă bruă jăk – jao mă klei thâo khăp”, mlan ngă bruă jăk thŭn anei mđing truh kơ hdră grăp čô dưi nao hgŭm, đru mguôp, duh myơr čiăng kah mbha, mâo klei thâo bi khăp, đru kơ phung knap mñai, ngă dŭm mta bruă jăk, đru mkŏ mjing sa êpul êya bi mguôp, bŏ hŏng klei thâo bi khăp.