Aguah 28-6, Êpul hgŭm mnuih mă bruă čar Dak Lak mkŏ mjing leh hdră bi tuôm, mđup brei prăk đru hriăm hră kơ čô anak phung đoàn viên, mnuih mă bruă mâo klei hdĭp dleh dlan. Hdră anei mđup brei 103 hnư prăk đru hriăm hră mâo ênoh 1 êklăk prăk kơ phung hđeh dleh dlan, 1,5 êklăk prăk kơ phung hđeh êrĭt êrin. Anei jing phung hđeh dưi ruah mơ̆ng 21 anôk bruă công đoàn mơ̆ng gưl dlông truh kơ nah gŭ.

Mâo prăk đru hriăm hră gưl anei, Lâm Tâm Như, adŭ 9D, Sang hră gưl 2 Nguyễn Văn Cừ, ƀuôn prŏng Ƀuôn Ama Thuôt, mâo amĭ dôk mă bruă ti Anôk bruă TNHH Wăl hdĭp mda Đông Phương lač, hnư prăk anei đru kơ adei mâo boh kdrŭt lŏ gĭr hriăm hră jing mnuih tŭ dưn kơ yang ƀuôn, amĭ ama hơĭt ai tiê mă bruă. Ăt ti hdră anei, phung hđeh dưi dlăng xiếc, hdră nah êngao lehanăn mjĕ mjuk hŏng lu ƀĭng găp mbĭt./.