Dak lak mkŏ mjing lu êpul êmuh hrăm gŏ sang knŭk kna dlăng ba, phung mâo ai hŏng lăn čar
Thứ tư, 10:34, 24/07/2024
VOV Tây Nguyên
VOV Tây Nguyên
VOV4.Êđê- Ƀri hruê bi hdơr 77 thŭn Hruê kahan êka êkeh - êngiă asei 27/7, čar Dak Lak pioh leh êbeh 11 êklai prăk leh anăn mkŏ mjing 6 êpul mă bruă nao êmuh hrăm, mđĭ ai, mdudp brei mnơ̆ng kơ phung mâo ai êdah êdi.
Hlăm dŭm gŏ sang nao čhưn, khua gĭt gai čar Dak Lak êmuh hrăm klei suaih pral, klei hdĭp mda phung amĭ Việt Nam jhŏng ktang, phung kahan êka êkeh leh anăn phung hlăm gŏ sang; bi êdah ai tiê hdơr knga hŏng klei săn asei, luč liê prŏng prĭn mơ̆ng dŭm gŏ sang hlăm klei bi kdơ̆ng mtlaih êngiê djuê ana, hluh lir lăn čar.
Mbĭt anăn čang hmăng dŭm gŏ sang lŏ dơ̆ng mđĭ lar knhuah gru krŭ kdơ̆ng kdrưh kơăm, mđĭ ai anak čô gĭr hriăm hră, mă bruă mkra mjing, bi hmô hlăm bruă ngă, hdră bruă ti alŭ wăl.
Viết bình luận