Dak Nông bi mni kơ phung hđeh êdah êdi ti krĭng knông lăn
Thứ tư, 14:52, 14/08/2024
VOV Tây Nguyên
VOV Tây Nguyên
VOV4.Êđê - Ti anăp thŭn hriăm mrâo, tlam 13/8, Lĭng kahan răng mgang knông lăn čar Dak Nông mkŏ mjing Knăm bi mni 39 čô hđeh êdah êdi hlăm dŭm hdră đru kơ phung hđeh krĭng knông lăn hlăm ala čar lehanăn ala čar Campuchia.
Knăm anei bi mni 33 čô hđeh ti čar Dak Nông lehanăn 6 čô hđeh mơ̆ng čar Monđulkiri (Campuchia), mâo boh tŭ êdi hlăm thŭn hriăm 2023-2024.
Anei jing phung hđeh mâo Lĭng kahan răngmgang knông lăn čar Dak Nông đru hluê hdră “Đru kơ adei nao sang hră”, “Anak rông kđông kahan răng mgang knông lăn”, hdră “Knuă druh, lĭng kahan đru kơ adei nao sang hră”, lehanăn gru hmô “Amĭ đru rông ba”. Dŭm hdră anei dưi pŏk ngă mơ̆ng thŭn 2016. Truh ară anei, đru leh kơ giăm 300 čô hđeh ti čar Dak Nông lehanăn 12 čô hđeh čar Monđulkiri (Campuchia) hŏng êbeh 6 êklai prăk./.
Viết bình luận