Dŭm êpul êya ngă klei mjĕ mjing mâo đru leh mnuih ƀuôn sang msir klei ư̆ êpa bi hrŏ klei ƀun knap, đru mjeh mnơ̆ng pla, mnơ̆ng rông, hbâo pruê, êa drao răng mgang mnơ̆ng pla mjing, ktrâo atăt hdră mă bruă. Boh tŭ dưn mơ̆ng jih jang bruă ngă klei mjĕ mjing dŭm anôk bruă êpul êya mâo tiŏ nao leh êbeh 212.000 čô knuă druh truh hŏng ƀuôn ngă klei mjĕ mjing, mđup brei êbeh 200.000 hnư mnơ̆ng, hŏng ênoh prăk jih jang 262 êklai prăk lehanăn hŏng lu bruă ngă mkăn.

Čiăng kơ bruă mjĕ mjing mâo boh tŭ dưn sĭt, Nguyễn Đình Trung, Khua bruă Đảng čar Daklak mtă kơ dŭm anôk bruă, êpul êya lŏ dơ̆ng bi mlih hdră êlan mă bruă, mâo klei bi mguôp jăk hĭn đru kơ ƀuôn mjĕ mjing dưi mđĭ kyar bruă duh mkra, dhar kreh, yang ƀuôn djŏ hŏng klei đĭ kyar ară anei./.