Msĕ si hlăm 9 mlan akŏ thŭn 2023, klei ngă hră mơar mŏng čar kiă kriê mâo ngă leh hŏng klei jăk, amâo jăk mâo klei êmưt ôh. Bruă mkŏ mjing knŭk kna elektronik, bruă sang čư̆ êa mrô, jih jang bruă ba yua klei hâo hưn hŏng klei kjăp. Jih jang kdrăp iGate mâo ngă leh truh 694.611 mta hră mơar dưi mkŏ sa mbah elektronik, wưng dưi mghaih msir djŏ hrue kčah truh  98,23%.

Ti anôk bi kƀĭn ksiêm wĭt klei mđĭ mlih bruă ngă hră mơar 9 mlan thŭn 2023, mkŏ mjing aguah mbrue, 18/10, Nguyễn Tuấn Hà, K’iăng khua knơ̆ng bruă sang čư̆ êa čar Daklak mtă kơ djăp alŭ wăl ksiêm dlăng bi nik, ya mta bruă dưi ngă leh lehanăn ka dưi ngă, mơ̆ng anăn mâo hdră jăk hĭnhlăm thŭn, kñăm mđĭ ênoh dăp kơ bruă mđĭ mlih hdră ngă hră mơar./.