Thŭn 2023, Knơ̆ng bruă pui kmlă čar Daklak mâo jao leh giăm 288 êklai prăk kơ bruă rŭ mkra phŭn. Knơ̆ng bruă mâo duh bi liê leh kơ dŭm bruă dhiăng êlan klei pui kmlă 110kV hŏng êbeh 14 êklai prăk, anôk mđĭ mtrŭn pui êbeh 223 êklai prăk, lehanăn lu bruă mkăn kơ pui kmlă hlăm brô 50 êklai prăk.

Truh kơ ară anei knơ̆ng bruă mâo tĭng tla leh ênŭm truh 14 mta bruă hŏng ênoh êbeh 52,2 êklai prăk, mâo mkiêt mkriêm êbeh 19 êklai prăk mkă hŏng ênoh tal êlâo. Čiăng dưi bi leh jih ênoh čuăn ngă bruă truh êbeh 95% hdră kčah kơ prăk kăk hlăm thŭn, ngă jih jang bruă anei, dŭm êpul êya blei mprăp kdrăp mă bruă pioh mkŏ mkra. Hlăm anăn êpul kiă kriê bruă knuă mâo leh klei hgŭm hŏng phung kčĕ đru, phung mkŏ mkra nga bi pral bruă knuă, lehanăn mâo klei lŏ wĭt mkra ti dŭm anôk jhat, čiăng bi leh jih jang bruă knuă djŏ hŏng ênoh čuăn. Klei bi mđing jih jang bruă đru mkăp pui kmlă hŏng hnơ̆ng jăk, kơ jih jang mnuih yua hlăm čar Daklak .