Mnuih nao bi lông jing phung knuă druh, mnuih ngă bruă, phung khua kiă kriê dŭm knơ̆ng dhar bruă ti čar, knơ̆ng bruă sang čư̆ êa dŭm kdriêk, wăl krah, ƀuôn prŏng, knơ̆ng bruă sang čư̆ êa să ƀuôn hgŭm lehanăn mnuih Việt Nam mơ̆ng 18 thŭn kơ dlông, hlăk dôk hdĭp lehanăn mă bruă ti čar Daklak, klei bi lông jing: Hdră êlan mơ̆ng Đảng, knŭk kna hlue ngă dŭm bruă mđĭ mlih hră mơar wưng thŭn 2021-2025, hdră ngă bruă truh thŭn 2030.

Bạch Văn Mạnh, Khua kiă kriê knơ̆ng bruă kiă kriê bruă knuă čar Daklak lač, anei jing thŭn tal 2 leh čar mkŏ mjing klei bi lông snei, kñăm tui duah klei thâo săng kơ bruă ngă hră mơar hlăm čar. Mơ̆ng klei bi lông anei phung knuă druh, mnuih ngă bruă srăng ksiêm duah êlam hĭn, păn kjăp hdră êlan, mta mtrŭn lehanăn ba yua kơ anôk bruă pô klei bi mlih hdră êlan ngă bruă hŏng klei tŭ jing hĭn./.