Dhar bruă Djuê ana ksiêm dlăng Hdră ala čar kñăm ti čar Kon Tum
Thứ tư, 10:14, 02/10/2024
VOV Tây Nguyên
VOV Tây Nguyên
VOV4.Êđê- Hruê mbruê (1/10), Êpul mă bruă mơ̆ng Dhar bruă djuê ana mâo Y Vinh Tơr, Kơiăng khua Dhar bruă djuê ana ngă Khua êpul nao ksiêm dlăng, tĭng dlăng bruă hluê ngă Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng ti čar Kon Tum.
Hluê ngă Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng, mơ̆ng thŭn 2021 truh kơ mlan 8/2024, čar Kon Tum mâo mkăp leh êbeh 1.400 êklai prăk, êbeh 60% hdră kčah. Grăp thŭn, čar bi hrŏ 3 – 4% ênoh gŏ sang mnuih djuê ƀiă ƀun, mâo 13 să lehanăn 48 alŭ tlaih mơ̆ng gŏ sang dleh dlan…
Ti knăm anei, Y Vinh Tơr bi mni klei pral mơ̆ng čar hlăm bruă mkŏ mjing dŭm hdră ala čar kñăm, mkŏ mjing hdră ngă bruă djŏ guôp hŏng klei dôk mâo. Bruă Đảng čar mâo hdră mtrŭn mdê kơ bruă hluê ngă dŭm hdră ala čar kñăm, mâo ênoh mkăp prăk lu hĭn mkă hŏng dŭm alŭ wăl mkăn čiăng hluê ngă hdră anei./.
Viết bình luận