Hlăm hruê 3/11 mrâo êgao, Bruă kƀĭn ala pioh jih sa hruê bi trông ti anôk bi kƀĭn kơ dŭm boh phŭn dôk mâo lu klei blŭ mdê mdê hlăm hră čih Hdră bhiăn lăn ala (mlih mrâo).  Hlue si mĭn tĭng, Bruă kƀĭn ala srăng bi mklă Hdră bhiăn lăn ala (mlih mrâo) hlăm klei bi kƀĭn tal 6. Khădah snăn, Khua Dhar bruă duh mkra mơ̆ng Bruă kƀĭn ala Vũ Hồng Thanh brei thâo, ară anei hră čih Hdră bhiăn adôk 21 mta mâo klei blŭ mdê mdê, akâo kơ klei blŭ mguôp Bruă Kƀĭn ala.

Lu phung bi ala mñă klă, anei jing hră čih hdră bhiăn bŏ hŏng yuôm bhăn, brei răng tơdah ksiêm dlăng bi mklă. Boh nik jing hdră kčah hrui mă lăn kyua boh tŭ ala čar, êpul êya; kơ klei ba jao klei dưi yua lăn lŏ hma, boh nik lăn pla mdiê; kơ klei dưi leh anăn bruă klam yua lăn mnuih Việt Nam dôk hdĭp ti ala tač êngao; amâodah hdră msir kčah ênoh lăn.