Sa ai hŏng klei iêo mthưr mơ̆ng khua gĭt gai Tô Lâm leh anăn Dhar bruă gưl dlông mặt trận čar kwar Việt Nam, bi lar knhuah gru klei bi mguôp, thâo khăp, thâo pap, hla hrông luôm hla tĭ mơ̆ng djuê ana, Aguah mbruê 12/9, ti sang Bruă Kƀĭn Ala, êlâo kơ mphŭn pŏk gưl kƀĭn tal 37 mơ̆ng dhar Bruă Kƀĭn Ala, Adŭ Bruă Kƀĭn Ala mkŏ mjing knăm mkrum mguôp, đru kơ mnuih ƀuôn sang mgaih msir boh jhat mơ̆ng angĭn êbŭ mrô 3.

Blŭ hrăm hlăm knăm mkrum mguôp, Khua kiă kriê adŭ Bruă Kƀĭn Ala Bùi Văn Cường brei thâo, hlăm dŭm hruê êgao, angĭn êbŭ mrô 3 ngă truh klei hmăi kjham kơ anak mnuih leh anăn ngăn dŏ ti lu čar, ƀuôn prŏng kwar Dưr. Čiăng bi mdul klei dleh dlan, đru mgaih msir boh jhat mơ̆ng angĭn êbŭ, bi lar bi lar knhuah gru klei bi mguôp, thâo khăp, thâo pap, hla hrông luôm hla tĭ mơ̆ng djuê ana leh anăn sa ai hŏng klei iêo mthưr mơ̆ng khua gĭt gai Tô Lâm leh anăn Dhar bruă gưl dlông mặt trận čar kwar Việt Nam, bi êdah bruă ngă jăk, klei khăp djuê ana, ƀuôn sang, Adŭ Bruă Kƀĭn Ala ngă klei mkrum mguôp đru kơ mnuih ƀuôn sang krĭng tŭ klei hmăi, hnưm bi hơĭt klei hdĭp.