Nao čhưn leh anăn bi juh găp djuê knuă druh răng mgang dliê hlăm klei mâo, K’iăng Khua phŭn bruă Nguyễn Quốc Trị mtă kơ bruă sang čư̆ êa alŭ wăl kdriêk Ea Kar mđing kơ klei hdĭp mda mnơ̆ng dhơ̆ng, ai tiê, mjing djăp klei găl đru kơ gŏ sang mnuih mâo klei truh hgao klei ênguôt hnĭng čiăng hnưm hơĭt klei hdĭp mda leh anăn klei anak čô hriăm hră.

Phung răng mgang dliê, bruă lŏ hma čar Dak Lak bi hgŭm kjăp hŏng êpul bruă djŏ tuôm mjêč ksiêm dlăng, bi klă boh klei leh anăn ngă klei đru hlue si hdră kčah hŏng knuă druh răng mgang dliê arăng mnah hlŏng djiê. Gưl anei, Công đoàn bruă lŏ hma leh anăn mđĭ kyar krĭng ƀuôn sang, Knơ̆ng bruă lŏ hma leh anăn mđĭ kyar krĭntg ƀuôn sang Dak Lak hŏng dŭm anôk bruă, phung mâo ai tiê kmah mđup brei mnơ̆ng đru kơ gŏ sang hnưm hơĭt klei hdĭp mda.