Dŭm êbâo čô mnuih ƀuôn sang ti krĭng taih kbưi Dak Lak dưi mtô mblang kơ Hdră bhiăn mơ̆ng Hdră bruă 1371
Thứ hai, 10:32, 15/07/2024
VOV TAYNGUYEN
VOV TAYNGUYEN
VOV4.Êđê- Lŏ dơ̆ng pŏk ngă hdră 1371 mơ̆ng Khua knŭk kna wưng thŭn 2021 - 2027, ti să krĭng taih kbưi Krông Jing, kdriêk Mdrak, čar Dak Lak, Knơ̆ng gĭt gai lĭng kahan čar Dak Lak mkŏ mjing knăm “Mtô mblang hdră bhiăn thŭn 2024, bi mjĕ mjuk kdŏ mmuñ – mjuăt ktang asei mlei lehanăn dŭm hdră đru kơ yang ƀuôn”.
Hluê anăn, phung knuă druh Knơ̆ng gĭt gai lĭng kahan čar Dak Lak mkŏ mjing leh Knăm hưn mthâo Hdră bhiăn lăn ala thŭn 2024, Hdră bhiăn kak asei 2023, hdră bhiăn ngă bruă klam nao hriăm kahan 2019 lehanăn hdră bhiăn răng mgang klei êđăp ênang êlan klông kơ êbeh 2 êbâo čô mnuih ti să Krông Jing, kdriêk Mdrak, čar Dak Lak.
Hluê ngă Hdră 1371 mơ̆ng Khua knŭk kna kơ bruă Mđĭ klei đua klam mơ̆ng êpul kahan yang ƀuôn nao hgŭm mtô mblang hdră bhiăn, mtrŭt mjhar mnuih ƀuôn sang hluê ngă hdră bhiăn ti anôk bruă wưng thŭn 2021-2027, êbeh 3 thŭn êgao, Knơ̆ng gĭt gai lĭng kahan čar Dak Lak pŏk ngă leh mđrăm mbĭt dŭm mta klei hlăm hdră anei ti lŭ să, ƀuôn hgŭm, wăl krah ti alŭ wăl kluôm kdriêk, boh nik mđing kơ dŭm să ti krĭng taih kbưi./.
Viết bình luận