Kyua mâo hdră mtrŭn đru, mnuih ƀuôn sang krĭng dleh dlan Gia Lai mâo klei găl mđĭ kyar bruă duh mkra, mnia mblei, mjing bruă mă, ƀrư̆ kpưn đĭ tlaih kơ klei dleh dlan, đru hluê ngă mta kñăm bi hrŏ ƀun h’ĭt kjăp, mkŏ mkra krĭng ƀuôn sang mrâo. Truh ară anei, hdră mtrŭn brei čan prăk dưi pŏk ngă ti jih jang să krĭng taih kbưi hlăm čar Gia Lai.

Ênoh prăk brei čan jih jang truh hlăm brô 16.500 êklai prăk, giăm 500 êbâo gŏ sang ƀun, giăm ƀun, phung knŭk kna dlăng ba mă čan, hlăm anăn mnuih djuê ƀiă giăm mkrah wah. Mơ̆ng anăn, ênoh gŏ êsei ƀun ti Gia Lai hrŏ mơ̆ng êbeh 23% hlăm thŭn 2014 trŭn adôk êbeh 8% ară anei./.