Bruă anei mâo êpul hgŭm êdam êra Cộng sản Hồ Chí Minh čar Gia Lai mkŏ mjing mơ̆ng aguah hrue 26/6, hlŏng truh jih hrue 29/6. Tui si hdră, mâo 310 čô hlăk ai ba anăp mâo mbha truh 41 êpul, mă bruă ti 41 anôk bi lông, hlăm17 kdriêk, wăl krah, ƀuôn prŏng hlăm kluôm čar.

Phung hlăk ai ba anăp kăp drông phung hđeh nao bi lông, đru kčĕ brei, ktrâo atăt êlan nao, đru phung hđeh klei êrô êbat, tui duah anôk jưh dôk, hưn mthâo anôk jưh dôk amâo mâo liê prăk ôh, amâodah hŏng ênoh êlưih, tui duah anôk huă ƀơ̆ng, huă ƀơ̆ng hŏng klei doh. Mbĭt anăn, ti dŭm kang êlan nao ti anôk bi lông, hlăk ai ba anăp bi mguôp hŏng dŭm êpul êya djŏ tuôm kăp mbha êlan hlăm êlan klông./.