Anôk duah brei bruă knuă mă čar Daklak hlăk dôk ngă hŏng lu hdră hưn mthâo bruă knuă mă, čiăng kơ mnuih dôk tui duah bruă knuă mâo klei hrŏng ruah ya mta bruă pô čiăng mă hlăm dŭm anôk bruă duh mkra. Anôk bruă hưn mthâo bruă knuă čar Daklak mâo mkŏ mjing leh truh 5 klei hưn mthâo brei bruă knuă mă ti dua kdriêk Ea Sup lehanăn Krông Bông.

Mbĭt hŏng anăn, Anôk bruă anei lŏ mâo dŭm klei hâo hưn kơ bruă knuă mă, kăp kčĕ, lehanăn duah brei bruă mă ti anôk mkŏ mjing hrue dhar kreh ti dŭm alŭ wăl. Mơ̆ng anăn, kăp kčĕ mblang kơ klei tiŏ nao mnuih nao ngă bruă ti ala tač êngao lehanăn mâo hdră êlan đru kơ giăm 10 êbâo gưl čô mnuih, hlăm anăn hưn mthâo brei bruă knuă mă kơ giăm 300 čô mnuih.