Čiăng dưi mdrơ̆ng hŏng klei prăk luič ênoh, knŭk kna, Khua knŭk kna, k’iăng khua knŭk kna, khua êpul bruă kiă kriê ênoh ênil, gĭt gai leh dŭm phŭn dhar bruă, alŭ wăl ngă bi kjăp jih jang hdră êlan kơ klei duh mkra kluôm, rơ̆ng dưi mâo djăp mnơ̆ng dhơ̆ng yua, lehanăn jih jang mnơ̆ng pioh kơ klei duh mkra.

K’iăng khua knŭk kna Lê Minh Khái mñă: Čiăng mâo ngă jăk bruă kƀĭn ala čoh čuăn, bruă kiă kriê, klei kơ ênoh ênil thŭn 2024 lŏ dơ̆ng mâo klei tŭ hĭn, đăo knăl kơ hdră êlan ngă bruă čŏng mâo ai dưi, lehanăn klei kiă kriê kjăp ênoh ênil, gang mkhư̆ klei prăk luič ênoh. K’iăng khua knŭk kna Lê Minh Khái mtă mơ̆ng hrue 1/7/2024 srăng ngă iklei mđĭ prăk mlan, mbĭt hŏng ênoh čuăn klei mđĭ kyar, klei ba yua prăk đĭ mơh, mbĭt anăn mâo mơh lu klei dleh thâo tĭng knăl kơ ênoh ênil amâo mâo hơĭt hŏng dŭm mta mnơ̆ng yua aguah tlam, mơ̆ng anăn brei mâo hdră êlan ksiêm dlăng bi kjăp, ngă hŏng klei răng, mprăp nanao hdră kăp mghaih msir bi pral kiă kriê ênoh ênil bi kjăp, mâo klei tŭ dưn./.