Êpul hgŭm kahan hđăp dŭm kdriêk, wăl krah Daklak mkŏ mjing leh klei mđup brei truh 200.000 pŏk hdruôm hră čih kơ giăm 15.600 čô hđeh hriăm hră ƀun. Ênoh hdruôm hră anei mâo Êpul hgŭm phung duh mkra mơ̆ng êpul kahan hđăp Việt Nam đru hlue hdră “Sa êklăk hdruôm hră čih mđup brei kơ hđeh hriăm hră ƀun mơ̆ng dŭm djuê ana ti lăn Dap kngư lehanăn čar Bình Phước”.

Anei jing mnơ̆ng yuôm bhăn mâo leh klei mđin uêñ, dlăng kriê mơ̆ng êpul hgŭm kahan hđăp djăp gưl hŏng phung hđeh hriăm hră, kñăm đru kơ phung hđeh hriăm hră ƀun mơak čhuang mŭt hlăm thŭn hriăm mrâo./.