Hluê ngă hdră êlan mơ̆ng Êpul khua bruă Đảng ƀuôn prŏng Pleiku gưl 7 “Kơ bruă lŏ dơ̆ng mtrŭt mđĭ bruă bi hrŏ ƀun hŏng klei kjăp, mđĭ hnơ̆ng klei hdĭp mnuih ƀuôn sang, boh nik ti dŭm ƀuôn êlan mnuih djuê ƀiă hlăm alŭ wăl”, mơ̆ng thŭn 2021 truh kơ ară anei, ƀuôn prŏng bi mguôp hŏng dŭm anôk bruă, bruă sang čư̆ êa dŭm să, ƀuôn hgŭm iêo mkrum mơ̆ng dŭm knơ̆ng bruă, phung mâo ai tiê kmah, keh prăk Kyua mnuih ƀun ƀin ƀuôn prŏng leh anăn mơ̆ng să đru rŭ mdơ̆ng mrâo leh anăn mkra bi jăk pưk sang hŏng ênoh êbeh 4,7 êklai prăk, đru brei ana mjeh – mjeh mnơ̆ng rông, hbâo pruê, ngăn prăk ngă bruă 1,2 êklai prăk, đru kơ 252 gŏ sang ƀun, giăm ƀun, mrâo tlaih ƀun lĭng čan prăk mnga hdjul 13,8 êklai prăk.

Trần Tấn Quang, khua adŭ bruă duh mkra ƀuôn prŏng Pleiku brei thâo, gŏ sang ƀun ti ƀuôn prŏng mâo 0,24%, hŏng  149 gŏ sang ƀun. Ƀuôn prŏng lŏ dơ̆ng ksiêm duah, ngă lu klei bi hmô hdră duh ƀơ̆ng čiăng mđĭ hĭn boh tŭ dưn mơ̆ng bruă anei.