Ti anôk mkŏ mjing knăm trŭn nao kơ bruă anei, phung khua kiă kriê čar Gia Lai mâo leh klei čuă êmuh lehanăn mđĭ ai phung kahan nao ngă bruă čuăn anei.

Kluôm êpul K52 bi păn kjăp dŭm hdră mtrŭn, klei bhiăn kahan, dŭm mta mtrŭn mơ̆ng phŭn bruă lĭng kahan, mơ̆ng kahan alŭ wăl hlăm bruă hŏng tač êngao. Păn kjăp jih jang hdră êlan ti alŭ wăl nao kăp hưn kơ ti anôk dơr klang kleh phung djiê êngiă, nao bi mklă čiăng bi djŏ. Anei jing gưl tal 23 leh K52 nao tui duah klang kleh phung djiê êngiă ti Campuchia. Truh kơ ară anei, êpul K52 mâo tui duah kuai ba wĭt truh leh 1.468 čô mnuih djiê êngiă mơ̆ng Việt Nam săn asei hlăm klei bi blah ti Campuchia.