Hdră anei mâo Êpul hgŭm mnuih ngă lŏ hma čar kriê dlăng, dưi mkŏ mjing mkăp kơ hdră duh mkra êpul êya lehanăn bi hgŭm pla mjing. Sang mnia mnơ̆ng lŏ hma Dak Lak hluê hdră online srăng mjing wăl anôk kơ hdră ksiêm hriăm, hưn mthâo, hưn mdah mnơ̆ng dhơ̆ng, mđĭ hdră bi hgŭm bruă pla mjing, mnia mblei …hluê hdră online.

Sang mnia mnơ̆ng lŏ hma Dak Lak hluê hdră online lŏ jing anôk čiăng kơ anôk bruă duh mkra bi mklă phŭn agha anôk pla mjing, anăn knăl mơ̆ng mnơ̆ng dhơ̆ng hŏng hdră pral. Hluê si Lại Thị Loan, Khua Êpul hgŭm mnuih ngă lŏ hma čar, bruă nao hgŭm hlăm sang mnia anei srăng mtrŭt mđĭ dŭm êpul hgŭm bruă, mnuih ngă lŏ hma mđĭ boh tŭ yuôm mnơ̆ng dhơ̆ng, hdră pla mjing, êđăp ênang djăp hnơ̆ng čuăn lehanăn bi mklă anăn knăl./.