Daklak jing čar tal 4 ti alŭ wăl Lăn Dap Kngư mâo êpul hgŭm phung duh mkra jing kahan hđăp Việt Nam mđup brei hdruôm hră hriăm mơ̆ng hdră “Sa êklăk pŏk hdruôm hră hriăm kơ hđeh hriăm hră ƀun ƀin dŭm djuê ana ti Lăn Dap Kngư, lehanăn čar Bình Phước”. Hdră anei mkŏ mjing leh hrue mbrue ti Ƀuôn Ama Thuôt, čar Daklak. Êpul mkŏ mjing mđup brei truh 200.000 pŏk hdruôm hră hriăm kơ giăm 15.600 čô hđeh hriăm hră gưl 1 ƀun ƀin hlăm kluôm čar Daklak, hŏng ênoh jih jang giăm 900 êklăk prăk.

Ênoh hdruôm hră anei jing boh mơ̆ng klei mtrŭt mjhar “Sa êklăk pŏk hdruôm hră đru kơ hđeh hriăm hră ƀun djăp djuê ana ti Lăn Dap Kngư, lehanăn čar Bình Phước” mâo êpul hgŭm duh mkra mơ̆ng êpul kahan hđăp Việt Nam mtrŭt mjhar hlue ngă hlăm 2 thŭn (2023-2024). Anei jing bruă ngă bi êdah ai tiê thâo duh mĭn đru kơ phung hđeh mơ̆ng dŭm êpul êya phung duh mkra kahan hđăp, kñăm mđĭ ai mtrŭt mjhar phung hđeh mâo klei găl hĭn hlăm klei hriăm hră mơar hlăm thŭn tinăp./.