Hruê 10/11/2023, Bruă kƀĭn ala bi klă hdră mtrŭn kơ klei tĭng mkă ngăn prăk knŭk kna thŭn 2024, hluê anăn Bruă kƀĭn ala brei ba ngăn prăk tĭng mkă knŭk kna hluê ngă 3 hdră ala čar kñăm thŭn 2023 kơ thŭn 2024. Boh tŭ klei ktuê dlăng brei ƀuh, bruă brei čan êmưt, mrâo mâo mă 15% (knar hŏng 3.800 êklai prăk). Tơdah amâo mâo dưi ba ngăn prăk mơ̆ng thŭn 2023 kơ thŭn 2024 srăng truh kơ bruă lui hĕ klei tĭng mkă thŭn 2023 hlăm brô 16.000 êklai prăk.

Blŭ hlăm klei kƀĭn, Khua bruă kƀĭn ala Vương Đình Huệ mñă klă bruă kñăm ruh mgaih jih hnơ̆ng kơ ngăn prăk ƀiădah srăng ngă djŏ klei čuăn, amâo ngă klei amâo thâo bi djŏ kơ hdră bhiăn leh anăn srăng bi klă klei hmăi ngăn prăk. Ăt hlăm hruê mbruê 15/11, Dhar bruă gĭt gai bruă kƀĭn ala hlăk mblang, mđing hmư̆, mkra mlih hdră bhiăn Êpul êya nao hgŭm răng mgang klei êđăp ênang nah gŭ leh anăn brei klei blŭ mguôp kơ bruă bi hrŏ prăk jia ênoh ênil đĭ.