Blŭ hrăm ti knơ̆ng bruă JA Solar Việt Nam, Khua bruă kƀĭn ala Vương Đình Huệ lač, Bruă kƀĭn ala, knŭk kna Việt Nam mâo nanao klei ƀuăn mđĭ hĭn klei duh bi liê kơ bruă duh mkra mnia mblei hŏng dŭm anôk duh mkra, hlăm anăn iêo jak klei duh bi liê mơ̆ng ala tač êngao, bi leh kjăp klei bhiăn ngă bruă.

Khua bruă kƀĭn ala čang hmăng kơ knơ̆ng bruă JA Solar Việt Nam ba anăp hlăm jih jang bruă răng kriê wăl hdĭp mda, mguôp hŏng dŭm anôk bruă duh mkra mkăn ti Việt Nam dưi mkra mjing lu mta mnơ̆ng đru hlăm bruă mkra mjing djăp mta mnơ̆ng pioh kơ bruă duh mkra. Ƀri wưng anei Khua bruă kƀĭn ala Vương Đình Huệ mbĭt hŏng phung khua prŏng hlăm êpul mđup brei leh mnơ̆ng kơ mnuih ngă bruă hlăm knơ̆ng bruă JA Solar; mđup brei mnơ̆ng kơ dŭm gŏ sang dôk hlăm klei dleh dlan, gŏ sang knŭk kna dlăng ba, knang leh kơ anôk bruă mặt trận Việt Yên kăp đru.