Klah čŭn ti anôk bi kƀĭn, Khua knŭk kna Phạm Minh Chính jao leh bruă klam kơ grăp phŭn, dhar bruă, anôk bruă lehanăn klei đua klam mơ̆ng alŭ wăl hlăm bruă iêu mtrŭt djăp klei găl mâo msir lăm sang dôk êjai, sang tĭ ƀrôč kơ gŏ sang ƀun, giăm ƀun. Khua knŭk kna mñă, hdră bi ktưn Hgŭm kngan msir lăm sang dôk êjai, sang tĭ brôč hlăm kluôm ala thŭn 2025 mâo pŏk ngă ba wĭt boh tŭ dưn. Khă snăn, čiăng dưi bi leh mta kñăm anei hlăm knhal jih thŭn 2025, kkuh mơak Klei bi kƀĭn phung bi ala kluôm ala čar tal XIV mơ̆ng Đảng lehanăn bi hdơr 80 thŭn Hruê mkŏ mjing ala čar, 50 thŭn hruê mtlaih êngiê kwar Dhŭng, hluh lir ala čar, brei mâo hdră ngă mrâo, kreh knhâo, tŭ dưn hĭn.

Ăt hlăm tlam mmăt mbruê, Khua knŭk kna Phạm Minh Chính drông leh Pô bi ala China ti Việt Nam Hà Vĩ ƀri wưng păn bruă ti Việt Nam./.