Hlăm klei kƀĭn trông, Khua knŭk kna vi êdah klei hdơr kơ giăm 1,2 êklăk čô anak êdah êdi hlăm klei bi blah, asăn asei wơr pô kyua bruă mkŏ mjing, răng mgang lăn čar, kyua klei êđăp ênang, yâo mơak mơ̆ng mnuih ƀuôn sang. Hlăm wưng kơ anăp, Khua knŭk kna mñă kơ dŭm gưl bruă, dhar bruă, dŭm alŭ wăl lŏ dơ̆ng hluê ngă jăk dŭm hdră mtrŭn mơ̆ng Đảng, klei bhiăn lăn čar, mtrŭt mđĭ ktang bruă kriê dlăng phung kahan êka, kahan ruă duam, gŏ sang phung djiê êngiă, phung mâo bruă tŭ dưn.

Lŏ dơ̆ng ksiêm dlăng, bi kluôm leh anăn hluê ngă jăk hĭn dŭm hdră êlan, klei bhiăn lăn čar hŏng phung mâo mâo bruă tŭ dưn, djŏ mmông, tŭ dưn, čiăng kơ phung mâo bruă tŭ dưn leh anăn gŏ sang mâo hnơ̆ng hdĭp kah knar kơ dlông.