Hlăm mmông bi tuôm, Khua lăn čar Tô Lâm bi êdah klei hdơr kơ phung jhŏng ktang, êngiă asei, mnuih ƀuôn sang, lĭng kahan săn leh asei kyua Čar Kwar; mpŭ mơĭt kơ Phung amĭ Việt Nam jhŏng ktang, phung kahan êka êkeh, êngiă asei, găp djuê phung êngiă asei hŏng phung bi ala klei êmuh hrăm, klei khăp êlam snăk leh anăn ai tiê hdơr knga.

Khua lăn čar mtă kơ gưl bruă Đảng, bruă sang čư̆ êa lŏ dơ̆ng msir mgaih bi jăk klei dưi dưn, hdră êlan boh nik bruă msir mgaih klei jhat leh klei bi blah, duah, bi kƀĭn msat phung êngiă asei, phung mâo ai hŏng lăn čar adôk kpăk đuôm, amâodah ka dưi dưn hdră êlan đru; mđing mđĭ klei hdĭp, kriê dlăng klei suaih pral phung dôk hjăn păn, amâo mâo anôk knang.