Leh 25 thŭn mkŏ mjing, lehanăn ngă bruă, keh đru hriăm hră mơar Vừ A Dính mđup brei leh prăk đru hriăm hră mơar kơ hđeh hriăm hră mnuih djuê ƀiă hlăm kluôm ala, lu phung hđeh mâo klei đru hlăm bruă mjuăt bi hriăm êlam hĭn mơ̆ng êpul bruă anei mkŏ mjing, mơ̆ng anăn đru mguôp leh yuôm bhăn hlăm klei mjuăt mjing mnuih thâo bruă kơ lăn čar...

Čiăng bi mguôp hlăm bruă rŭ mdơ̆ng, lehanăn răng mgang lăn čar. Êpul hgŭm kyua Hoàng Sa lehanăn Trường Sa bi êdah leh lu bruă ngă, mâo bi mguôp ai tiê klei khăp mơ̆ng mnuih ƀuôn sang hlăm kluôm ala, mguôp hrue, mguôp ai... čiăng đru bi rŭ mdơ̆ng lehanăn răng mgang Hoàng Sa lehanăn Trường Sa kơ lăn čar pô. Khua lăn čar Võ Văn Thưởng bi êdah klei mơak ti anăp dŭm boh tŭ dưn mâo leh mơ̆ng keh đru hriăm hră mơar Vừ A Dính lehanăn êpul hgŭm kyua Hoàng Sa, Trường Sa bo hŏng klei khăp ngă leh hlăm lu thŭn êgao, lŏ dơ̆ng knhuah gru yuôm bhăn mơ̆ng keh mâo mkŏ mjing leh, amâo mâo mdei hlăm klei bi đru, đru hŏng klei klă nik  kơ phung hđeh hriăm hră mnuih djuê ƀiă.