Klei bi kƀĭn trông mđĭ hnơ̆ng tŭ bruă lăm lui klei amâo thâo hră hlăm krĭng mnuih djuê ƀiă
Thứ năm, 08:22, 23/11/2023
VOV Tây Nguyên
VOV Tây Nguyên
VOV4.Êđê- Hlăm dua hruê 21 lehanăn 22/11, ti Hải Phòng, Phŭn bruă Sang hră m’ar mtô bi hriăm mkŏ mjing Klei bi kƀĭn trông kơ Boh klei lehanăn Hdră msir mđi hnơ̆ng tŭ bruă lăm lui klei amâo thâo hră kơ mnuih ƀuôn sang djuê ƀiă.
Hlăm wưng thŭn 2021 -2023, kluôm ala mâo giăm 80 êbâo čô nao hriăm msir klei amâo thâo hră. Ti 51 čar dôk hlăm Hdră bruă ala čar kñăm iêu mtrŭt leh 54 êbâo čô nao hriăm msir klei amâo thâo hră, hlăm anăn mâo 44 êbâo čô jing mnuih djuê ƀiă.
Ti anăp boh klei mâo lu phung hđeh mnuih djuê ƀiă dleh dlan, lui hriăm hră m’ar, Knơ̆ng gĭt gai lĭng kahan răng mgang knông lăn pŏk leh ku hdră đru kơ phung hđeh lŏ mâo klei găl dưi nao sang hră. Grăp thŭn, đru kơ êbeh 3 êbâo čô hđeh, hlăm anăn giăm 200 čô ti krĭng knông lăn hŏng ala čar Lào, Campuchia, hŏng 500 êbâo čô/mlan truh kơ jih adŭ 12; dŭm kđông kahan răng mgang knông lăn lŏ đru rông giăm 400 čô hđeh ti kđông. Truh ară anei, ênoh duh kơ hdră anei giăm 100 êklai prăk./.
Viết bình luận