Klei bi mguôp bruă kdŏ mmuiñ pioh mkrum prăk đru kơ mnuih ruă bŏk ƀrŭ
Thứ hai, 10:09, 04/12/2023
VOV Tây Nguyên
VOV Tây Nguyên
VOV4.Êđê- Mlam mmăt 3/12, ti hà Nội, Phŭn bruă mdrao mgŭn lehanăn keh đru ba kơ mnuih mâo klei ruă bŏk brŭ “hrue mgi mngač tač” mkŏ mjing leh klei kdŏ mmuiñ, čiăng iêo mkrum ngăn prăk pioh đru ba kơ mnuih ruă bŏk brŭ ƀun ƀin. K’iăng khua bruă kƀĭn ala Trần Quang Phương nao ti anôk mkŏ mjing anei.
Hlăm klei mkŏ mjing anei, keh đru ba mnuih mâo klei ruă bŏk brŭ “hrue mgi mngač tač” mtrŭt mjahrr leh hŏng anăn pia “Sa klei čih mơĭt, êklăk klei khăp ba truh kơ mnuih mâo klei ruă bŏk brŭ” thŭn 2023.
Hŏng klei čih snei UT mơ̆it 1406 srăng bi mguôp 20.000 prăk kơ mnuih ruă bŏk brŭ hlăm kluôm ala. Blŭ hrăm ti anôk mtrŭt mjhar anei, Khua phŭn bruă mdrao mgŭn Đào Hồng Lan lač: Grăp klei čih mơĭt jing sa klei bi êdah kơ klei khăp, jing klei bi kah mbha yuôm bhăn, lŏ thiăm ai ktang kơ mnuih ruă bŏk brŭ; lehanăn mñă, êbeh 12 thŭn êgao mơ̆ng hrue mkŏ mjing, keh anei mâo leh hlăm kluôm ala jih jang êbeh 57 êklai prăk, mâo đru kơ mnuih ruă truh êbeh 1.400 êklai prăk.
Viết bình luận