Mơ̆ng thŭn 2009 truh kơ ară anei, knŭk kna ngă leh êbeh 9 gưl pap brei klei soh hlăm dŭm hruê yuôm bhăn, knăm prŏng mơ̆ng lăn čar, pah brei kơ êbeh 92 êbâo čô ngă soh hlăm klei ƀuah mkra, mă bruă knuă, hriăm jăk dưi lŏ wĭt hŏng ala ƀuôn.

Thŭn anei, hluê si klei mñă mơ̆ng knŭk kna, Khua lăn čar Tô Lâm bi klă pap klei soh thŭn 2024 ƀri wưng bi hdơr 79 thŭn hruê mkŏ mjing lăn čar leh anăn 70 thŭn hruê sua wĭt klei êngiê ƀuôn prŏng phŭn. Phung dưi mâo klei pap mâo: Phung dôk hlăm sang mnă mâo wưng kčah, phung tŭ klei klei krư̆ jih klei hdĭp dưi bi hrŏ jing mâo wưng kčah, phung dôk bi kdung ngă klei krư̆ kđăl. Klei bi klă anei lač klă dŭm klei găl čiăng dưi pap brei kơ grăp pô.