Kon Tum gĭr jih jang gŏ sang ƀun mâo lăn dôk lehanăn lăn pla mjing
Thứ tư, 10:31, 04/09/2024
VOV Tây Nguyên
VOV Tây Nguyên
VOV4.Êđê- Hluê ngă Hdră kñăm ala čar mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng wưng 1, mơ̆ng thŭn 2021 – 2025, čar Kon Tum gĭr jih jang gŏ sang ƀun mâo sơaĭ lăn dôk lehanăn lăn pla mjing.
Anei ăt jing mta kñăm mơ̆ng Hdră mtrŭn Klei bi kƀĭn bruă Đảng čar tal XVI kčah mtrŭn. Kluôm čar Kon Tum ară anei mâo êbeh 2.200 gŏ sang mnuih djuê ƀiă kƀah amâo dah amâo mâo lăn dôk, lăn pla mjing. Klă klơ̆ng, kơ lăn dôk mâo 875 gŏ sang, êbeh 330 gŏ sang kƀah lăn lehanăn giăm 540 gŏ sang amâo mâo lăn dôk. Kơ lăn pla mjing êbeh 1.300 gŏ sang, hlăm anăn êbeh 800 gŏ sang kƀah lăn lehanăn êbeh 500 gŏ sang amâo mâo lăn pla mjing.
Đinh Quốc Tuấn, Khua Dhar bruă djuê ana čar Kon Tum brei thâo, čar dôk hluê ngă lu hdră msir kñăm mghaih msir klei kƀah lăn dôk, lăn pla mjing, gĭr truh thŭn 2025 jih jang gŏ sang mnuih djuê ƀiă adôk mâo sơaĭ lăn dôk lehanăn lăn pla mjing./.
Viết bình luận