Pŏk ngă dŭm hdră mđing truh knăm bi hdơr 120 thŭn hruê mkŏ mjing čar Dak Lak, mơ̆ng mlan 3 thŭn anei, Phŭn bruă kahan ksiêm mkŏ mjing leh Knăm rŭ mdơ̆ng, jao rup sang lehanăn prăk đru rŭ mdơ̆ng 1.200 boh sang kơ mnuih ƀun, mnuih djuê ƀiă, gŏ sang knŭk kna dlăng ba, gŏ sang ƀun dleh dlan kơ sang dôk ti čar Dak Lak.

Nông Thị Thu, Kơiăng khua Anôk bruă mặt trận čar Dak Lak brei thâo, truh ară anei, Anôk mtrŭt mjhar Keh kyua mnuih ƀun čar đru mkrum mguôp rŭ mdơ̆ng 352 boh sang, êbeh 23 êklai prăk, êgao hdră kčah. Dŭm alŭ wăl ngă leh mbĭt anăn ba jao 225 boh sang kơ mnuih ƀuôn sang bi sĭt klei čang hmăng mâo sa boh sang mrâo./.