Đại úy Lê Hữu Nhân – k’iăng khua êpul kahan ksiêm êlan klông – êpul kahan răng mgang klei êđăp ênang kdriêk Bắc Yên lač, hlăm mlan 9/2023, jing mlan hđeh kčưm nao sang hră. Čiăng kơ hđeh mâo klei thâo săng lehanăn mâo bruă čŏng đua klam gưt klei bhiăn êđăp ênang êlan klông, snăn phung hđeh hriăm hră, boh nik jing hđeh mnuih djuê ƀiă hdĭp ti dŭm boh ƀuôn taih kbưi, lu jing đĭ êdeh p’phŭt, snăn kahan ksiêm kdriêk Bắc Yên tiŏ nao leh mnuih ngă bruă hrue lehanăn mlam. Đại úy Lê Hữu Nhân brei thâo:

“Êpul kahan ksiêm êlan klông tiŏ nao leh mnuih nao gak răng hrue lehanăn mlam. Boh nik kăp kčĕ kơ phung hđeh, hŏng phung hdeh mâo klei bi knăl ngă soh hlăm klei êrô êbat, msĕ si đĭ liŏ, yŏng akŏ êdeh, amâo mâo đua đuôn mgang boh kŏ lehanăn bi mguôp hŏng sang hrăm kŏ mjing klei mtă mtăn mtô mblang phung hđeh, bi lar klei bhiăn, lehanăn bi mguôp hŏng amĭ ama hđeh mjuăt mtô bi hriăm anak aneh pô, boh nik hlei kreh ngă soh, lehanăn nao hưn hŏng sang hră čiăng mâo hdră mghaih msir djŏ hŏng mta mtrŭn’.

Thŭn hriăm 2023-2024, kluôm kdriêk Bắc Yên mâo 45 boh sang hră hlăm êbeh 20.000 čô hđeh hriăm hră mơ̆ng hđeh điêt, gưl să, gưl 2 lehanăn gưl 3. Čiăng kơ hđeh mâo klei thâo, kahan ksiêm êlan klông kdriêk Bắc Yên hrŏng ruah boh phŭn klei hâo hưn bi djŏ guôp hŏng thŭn hđeh hriăm hră. Adei Lèo Thị Nga Diệu - adŭ 11A, Sang hră mjuăt bi hriăm nanao ti kdriêk Bắc Yên lač:

“Mơ̆ng klei hâo hưn hrue mbrue snăn đru kâo lehanăn jih jang mnuih thâo săng kơ klei bhiăn êđăp ênang êlan klông, đru jih jang mnuih hiu hlăm êlan klông bi đua đuôn mgang boh kŏ, amâo mâo duah liŏ, duah mtiŏ’.

Adei Lèo Thị Nga Diệu lŏ yăl dliê: “Boh sĭt ti kdriêk Bắc Yên hlăm phung hđeh lu ka truh ôh thŭn dưi mgăt êdeh, ƀiădah amĭ ama ăt brei anak đĭ mgăt êdeh mơh nao sang hră mơar. Leh lu blư̆ kbiă wĭt mơ̆ng sang hră, diñu bi mdiăng hdơ̆ng găp mtiŏ pral, đĭ bi liŏ, wăt hlăm kdrêč êlan anôk lu mnuih dôk êbat jơ̆ng wĭt kơ sang. Kâo ƀuh bŏ hŏng klei huĭ hyưt êdi. Mâo leh đa đa blư̆ kâo ƀiă riă tuôm hŏng klei diñu peh. huĭ snăk”.

hlăm 9 mlan akŏ thŭn 2023 êpul kahan ksiêm êlan klông kdriêk Bắc Yên hgŭm hŏng dŭm boh sang hră gưl 3 Bắc Yên, sang hră knŭk kna čiêm rông hđeh mnuih djuê ƀiă gưl 2, gưl 3 Bắc Yên, Sang hră mjuăt bi hriăm nanao mkŏ mjing hâo hưn mtô mblang kơ hdră bhiăn êlan klông mâo 03 aguah kơ 1.130 gưl čô hđeh hriăm hră, bi lar hră hâo hưn kơ klei êđăp ênang êlan klông. Adŭ bruă mjuăt bi hriăm kdriêk hgŭm leh hâo hưn mâo 42 gưl kơ giăm 9.700 čô knuă druh, nai mtô, lehanăn hđeh hriăm hră. Nai mtô Bạc Văn Ân – k’iăng khua sang hră knŭk kna čiêm rông gưl 2, lehanăn gưl 3 Bắc Yên brei thâo:

“sang hră knŭk kna čiêm rông hđeh gưl 2 lehanăn gưl 3 Bắc yên mtô mblang leh kơ phung hđeh hriăm hră hŏng lu hdră msĕ si kkuh hla čhiăm gru aguah, mkŏ mjing dŭm mmông hriăm êngao kơ hdră, lehanăn iêo jak kahan ksiêm kdriêk Bắc Yên hgŭm hŏng sang hră mtô bi hriăm kơ klei bhiăn êlan klông nao hlăm klei hdĭp, lehanăn phung hđeh mâo klei thâo săng hĭn hŏng mta mtrŭn mơ̆ng klei bhiăn êlan klông”.

Hŏng lu hdră ngă jih jang, mâo mkŏ mjing leh ƀhĭ klĭ čiăng kơ phung hđeh hriăm hră mâo klei thâo săng kdriêk Bắc Yên čar Sơn La knư̆ hrue knư̆ mâo klei thâo săng, mbĭt hŏng anăn dŭm dhar bruă djŏ tuôm hrăm mbĭt hŏng dŭm êpul êya yang ƀuôn, ciăng kơ dhar kreh êlan klông klă sĭt đĭ lar./.