Hruê 6/9, ti ƀuôn prŏng Huế, Anôk bruă ksiêm hriăm kơ phung mniê Việt Nam mkŏ mjing Klei bi trông Kreh knhâo ala čar krĭng kwar Krah - Lăn Dap Kngư hlue ngă klei mtăp mđơr êkei mniê krĭng mnuih djuê ƀiă leh anăn krĭng čư̆ čhiăng; kčĕ boh phŭn, hdră msir iêô mthưr, đru kơ phung mniê mnuih djuê ƀiă hlăm wưng kơ anăp. Klei bi trông mâo 70 klei čih mơ̆ng phung bi ala leh anăn ruah 39 klei čih kđăm mkra hlăm hdruôm hră bi hdơr klei bi trông.

Mbĭt hŏng bruă mblang kơ klei mjêč hŏng phung mniê leh anăn hđeh mniê mnuih djuê ƀiă, krĭng čư̆ čhiăng, klei bi trông kƀĭn čih yap klei kčĕ bruă klam, hdră msir tŭ dưn mơ̆ng Hdră bruă 8 hlăm wưng kơ anăp. Hdră bruă 8 jing sa hlăm 10 hdră bruă hlăm Hdră kñăm ala čar Êpul hgŭm phung mniê Việt Nam gĭt gai, kriê dlăng leh anăn hlue ngă. Dŭm bruă ngă mơ̆ng hdră bruă kƀĭn hlăm klei hâô hưn, bi mlih klei kah mbha mniê êkei, mkŏ mjing leh anăn bi lar gru hmô mđĭ klei dưi hlăm bruă duh mkra kơ phung mniê… Mơ̆ng anăn, đru mđĭ hĭn bruă mtăp mđơr êkei mniê ti dŭm krĭng anei.