Hruê mbruê 12/7, ti Hà Nội, Êpul mtrŭt mđĭ klei hriăm hră mơar gưl dlông Việt Nam mđup brei klei đru hriăm hră “Hriăm amâo mâo knhal” gưl tal 2 kơ phung hđeh sang hră dleh dlan, hriăm thâo leh anăn phung mâo boh tŭ dưn êdah êdi hlăm klei hriăm hră mơar mơ̆ng 25 čar, ƀuôn prŏng alŭ wăl čư̆ čhiăng nah dưr, krĭng dap mnai krông Hồng.

Êpul mkŏ mjing mđup brei klei đru hriăm hră mơar “Hriăm amâo mâo knhal” kơ 463 čô dưi ruah mă mơ̆ng dŭm alŭ wăl leh anăn 14 anôk bruă mơ̆ng gưl dlông, hlăm anăn mâo 290 čô hđeh sang hră, phung hriăm gưl prŏng leh anăn 173 čô mkăn.

Hlăm anăn mâo lu phung hđeh sang hră dleh dlan, mâo klei thâo hlăm klei hriăm hră mơar. Mđup brei klei đru hriăm hră mơar anăn, k’iăng Khua knŭk kna Lê Thành Long yap yuôm bhăn klei kčĕ mơ̆ng Êpul mtrŭt mđĭ klei hriăm hră mơar gưl dlông Việt Nam mkŏ mjing leh anăn rơ̆ng kơ bruă mđup brei klei đru hriăm hră mơar hluê si klei mtô mơ̆ng Awa “Hriăm amâo mâo knhal”, sa klei đru tŭ dưn hlăm bruă bi ktưn hluê ngă gru mngač Hồ Chí Minh.